تحية للاخ العزيز الباشا احمد النور

يادفعة سلام الاخباروالوليدات والله ليك وحشة
انت وين ماظاهر يا اخوي
اسمع مابتحجز ساكت ولا اكلم ليك ود المني
وسلام

يا مهدى العمر شايفو بقى 31الحق نفسك تانى ما بنفدر نقنع اى زول المنى دا دفعتنا خصوصا انو لسه ما قام ليهو شنب
كسره
يا دفعه خش لي واصطه خلى دريبو ارضى عننا والله ما بنقدر على زعلو
ابوعلى

السلام عليكم ورحمة الله
تراءت لي الدنيا أغنية والحياة عروسا جميلة . فالوفاء عملة نادرة في زمن سقطت فيه المفاهيم والقيم وتوجت على عرشه مبادئ المادة والكسب الرخيص
دعائي يسابق تضرعي إلى الله تعالى أن يبقى أواصر الصداقة إلى الأبدوإن قلبي يزحف قبل قلمي بخجل فوق سطور رسالتي حتى تعرف مدى حبي لك.

عندما تصادق اناس تحبهم

وعندماا تفارقهم

ستحزن لاجلهم

وسيحزنون لاجلك

وستدعهم وتذهب

ستدعهم يلملمون شتات ذكرياتك معهم

وستلملم شتات ذكرياتهم معك

وعند لقاائهم

والفرحة بوجوههم عندما يرونك
عندها فقط ستتاكد

انه مهما طال زمانك

ومهما طال زمانهم

ستبقى الذكرى على مدار الزمن
أولا تذكر ود المنى وهو ينقل لنا تفاصيل حرب الخليج وكأنه محلل وخبير يعمل بالقنوات الفضائية, وكنا وقتها في الصف السادس. زكريات حلوة وجميلة
مرت سنين بالوصال وبالهنأ وكأنها من قصرها أيام

سلام ياياباشا
دا كلام كبار والله نحنا ولاربعو مافينا
كتر خيرك وبارك الله فيك
برضو ماتنسي بكلم ودالمني بقول ليه احمد قال انت ما من مواليد 1984

يا النمير كيف تمام
شايفك مبسوط التقول غلبتو البرازيل عليك الله ناس هاليفا و منير الانتر ديل بفرح بى نصرهم ....
ود حاج محمدنور شايفو مبسوط منك شديد عملت ليهو شنو كل ما نجيب سيرتك يقول النمير دا تب مافى كلام...
يا حليل ايام المنى وايام حرب الخليج التقول كنا فى الجامعه المحيرنى يا مهدى النقاش جادى والمنى التقول مراسل الجزيره

لكن المنى كان مدهش بجد له منا الالاف التحايا
ابوعلى

عبدو واحمد سلام
عاد ود المني كان ماصدقتوه مابقول فيكم مصيبه
بعدين دا دليل واضح انو اكبر مننا ولا ماكدا ولو مغالطني اسالو ود الكبس اصفر وسلاممممممممممممم يا خيوري انت وين يااخوي متمنين يوم نلقاك في الدردشه

ها هي زكريات الماضي تتلألأ في الأرجاء ،،، مكونة في أشعتها معاني الحب والوفاء ،،،
الن يكفي ود المنا شهادة نفسة أنه أصغر سنا منكم يا مهدي ويا عبدو,هو من مواليد ----
مهلا -
لاتزال سفينتي تشق عباب البحر لتلتقط الكلمات التي توفيه الحق..

ولا تزال الكلمات تتزاحم وتتصارع تريد ان تخبر عن ما في مكنونها وعن مايدور في مخيلتها..
ودالمنا يحكي قصة تستمر الساعات الطوال,بل اليوم واليومين ,كأنها الف ليلة وليلة .
كنا ثلاثة أنا ودكتور يوسف وود المنا. كان يحكي لنا ويسال في اليوم الثاني أين وقف ,نجاوبة و يملأنا الشوق لمتابعة القصة.
كنا في بدايات المرحلة الإبتدائية,فلم نكتشف أن تلك الحكاوي كانت من تأليفه.

ابو محمد والله منور يا باشا
شنو يا مولانه زكريات تتلالا وسفينه تشق عباب البحر وين السفر ان شاء الله سوقونا معاكم عليك الله

يعنى المنى من زمان عامل عليكم قاص وانا اقول العلمكم الفصاحه دى منو يا ابو محمد طيب ما كان تكلمونا عشان ما نجيب اعد فى الاملاء وكدا.........
لكن المنى عجيب خرج دكتور و مهندس
ابوعلى
معزره اعضاء المنتدى هريناااااكم با لمنى لكن والله معانا حق لو كنتو معانا فى الابتدائى كان عزرتمونا بالجد المنى رائع ومدهش معلومات تفوق عمره فى ذاك الزمان

سلام ياشباب
ماشاء الله ودالني لي الليله شغال في الحلة حكاوي وبنفس حيويته المعهودة الجمعة الفاتت مشينا خدر
وفي فترة بسيطة اتحفنا بالدرر وله منا الاف التحايا وربنا يخليهو لي خدر

سلام ياشباب
ماشاء الله ودالمني لي الليله شغال في الحلة حكاوي وبنفس حيويته المعهودة الجمعة الفاتت مشينا خدر
وفي فترة بسيطة اتحفنا بالدرر وله منا الاف التحايا وربنا يخليهو لي خدر

احمد محمد نور ، ابو علي ، مهدي النمير لكم التحية وانتم تعطرون المنتدي بعبق الابتدائي واريج المتوسط ونفحات الماضي الجميل وذكريات الايام الحلوة .
اول مرة اعرف انو مهدي النمير دفعة ود المني .
وبرضو بسأل عن ال(‏31) بتاعة مهدي النمير دي حقيقية . اذا كانت حقيقية نحن نكون ( ‏13) ولاشنو ؟ ‏‎ ‎

غايتوا الله يورينا المني دا