رد للعم والخال والدفعة الباشمهندس الفيل

اولا سلام من الاعماق للاخ والزميل عبدالغفار عبدالله علي الزين والله ليك وحشة
ثانيا انا ما رديت ليك لان الموضوع اذا عايز تكملو هملو وبعدين نحن في منتدي خدر لانريد العمل من الحبة قبة
ثالثا الراجل يستطيع ان يتزوج اربعة مالو لو لقيت لي واحدة حليوة وكوزة من ماطوري 25 زي ما بتقول وجدي حاج عبدالغفار وعمنا عبيد طراهم الله بالخير مثال
ثالثا انا بيتي حابنية في خدر وديوان النمير موجود الله يرحمو ويغفر ليه
رابعا قد اكون مراقب من قبلكم اذا جكست في منتدي خدر
ما اخير اجكس برة برة
خامسا يا عبدوشش ماهكذا تورد الابل
سادسا يعلم الله اني لا اتواني عن خدر و كلي لي حبيبتي خدر
سابعا انا اشتركت في ماطوري لاني انا من الماطوري ماولدت في المنشيةوبعدين قصدنا انا وصديقي بيلو نمثل خدر في ذلك الوقت لايوجد غيرنا والاخ انس له التحية
ثامنا حتي زوار المنتدي سخروا مننا بالواضح كدا نحن لانرد الا علي البنات مع انو البنات في الخرطوم علي قفا من يشيل
تاسعا زي ماقلت هنالك رسائل خاصة كان يجب مخاطبتك عبرها
عاشرا الواحد يشيل عكاز ويخش المنتدي ولاشنو
حداشرشكلك بقيت هيثم كابو
اتناشر
وتلاتاشر
وفي الختام لك التحية باشمهندس ودمت زخرا لوطنك الكبير الماطوري
ووطنك الصغير خدر

بسم الله الرحمن الرحيم
دا النمير بقول كلام زى الفل يا اخوانا
حلوه( نسيبى) اقصد صديقى بيلو دى
البنات على قفا من يشيل زى ما قلت فى الخرطوم لكن ما تنسى انك من اسرة الحجاج عندك وقايه ان شاء الله من لفة الطريق والليل يا منقه اول ما فكرة فى النيان الجبابيق خطفوك مع انو عارف هسع مولانه الحبيب احمد النور حايصفنا بالزندقه لكن برضو نحن انصار يا مولانه والفكر الصوفى وغيبياته بنقبلها
ما تشيل عكاز يا دفعه شيل ليك جرعات معنويه ورسلها فى شكل افكار جازبه على نحو الوحده الجازبه الفالقنن الكيزان بيها الايام دى تدعم بها هذا المنتدى حتى يكون منتدى جازب وكدا يا دى الجازبيه الحا جننا
حلوه هيثم كابو لكن يعلم الله يا دفعه ما قصدت اثارتك وحملك على الرد حملا لكن يا حبيب عايزين نتواصل طالما انتو فى خدر مافى ويعلم الله انى سعدت ايما سعاده بخبر سكنك وبنيانك فى خدر اقلاها يا النمير ست الحبايب حا تخليك تكتر الطله ويزيد ديوان الاخ المرحوم النمير زول
اخيرا
ياحبيب والله انت ونسيبك خير مثال لخدر فى ماطورى 25 ما فى ذلك شك لكن كل ما فى الحكايه مادايرين نخلى منتدانا صفايه بمعنى انو لك كل الحق فى المشاركه فى منتدى بس نحلفك بالله خدر اول والبقيه تتبع
ابوعلى
كسره
لست على رايك لكنى على استعداد للتضحيه بحياتى لكى تقول رايك
فولتير

دفعة ســــــــــــــــــــــــــلام
كان من الافضل ان ترسل الجرعات ومن ثم تكربجنا بسياط نقدك
كما عرفناك صديقي رجل لا تعرف المداهنة
قيد انملة نحن لم نقدم لخدر شيئا يزكر فلابد من التكاتف والالتفات الي مافيه الخير لنا ولحبيبتنا خدر
لك الود
دفعتك مهدي

سلام من الاعماق رغم مرارة هزيمة المريخ يا دفعه
عمر العتاب ما كان نقد لكن لكم (مهدى وعبدالله حمد) العتبى حتى ترضو
مرحبا بالتكاتف من اجل خدر وانا رهن اشارتكم يا احباب
تانى معليش اذا ما قدرت اوصل ليكم عتابى بإسلوب مقبول
ابوعلى
كسره
يا مدير دى نسبه لى( حلوه) وليس دريبو ولا انا ما عندى عربى
اقلب النعال يا ريس

ياخوانا العوو فوق ام كم؟؟ دحين ماتخلونا فى المهم’’’ انا ما داير انبش الماضى لكن العكة دى فاتتنى،شان كده قلت لازم اورد عودى.

إنت أصلاً ياملصق بتحب إثنين:
العكة بفتح العين وتشديد الكاف
والعِكة بكسر العين وتشديد الكاف

جنص

والله ياجماعه الواحد ماعارف الحصل شنو بس لي الضمان ؟؟؟؟؟؟؟؟؟؟؟؟؟؟؟؟