انارة اعمدة الشوارع

فى الاول بشكر كل الزين ساعين فى تفعيل وانجاح اليوبيل الذهبى واقترح وسط هذة الالتزامات الكبيرة تخصيص ميزانية لانارةاعمدة الشوارع _ _ امنياتي بالتوفيق

الخال ود ابشرا
مشكور على المرور اليومى ياريت كل الاعضاء زيك
لكن انارة الشوارع تقريبا مكلفه لكن ممكن كل زول واعمل ليهو لمبه على الشارع وتكون مضيئه طوال الليل وبى كدا يا خال اعتقد ممكن تنحل المشكله ويا اعضاء المنتدى مذيدا من المقترحات لاثراء هذه النقطه المهمه وتانى شكرا يا خال
كسره
مدير المنتدى ما ظاهر ان شاء الله خير

تحياتى للجميع
انا مع المقترح على ان يتم تحويرة بأن يقوم كل عضو بالمنتدى بالتبرع بتكلفة لمبة ( اربعة قدم مثلاً ) حوالى ( 14 جنيه ) تكون لبنه لصندوق خيرى تسدد منه إشتراكات اهل القرية غير القادرين على سداد الاشتراكات وشراء الكهرباءمع ضرورة إستمرار الاشتراك بصفه دورية بمبلغ رمزى ( حسب الاتفاق ) .
والهرباء جآآآآآآآآآآآآت أملوا الباقققققققات .
مع الود والتحايا

تحايا للجميع
الخال عماد مشاركتك تعطى دفع للمنتدى كيف لا وانت من جيل الوسط فى القريه و من اعمدتها الاساسيه فى دعم مشروعاتها العامه فرجاء خاص يا خال كتر من زياراتك
بعدين لازم تحرك معاك ناس الجعير وحمزه عبد الماجد و كشيب وباقى العقد الفريد حتى يستفيد المنتدى و رواده من خبراتكم فى مجال العمل التطوعى حيث يعلم الجميع ان جيلكم من انجح اليوبيل الفضى وافتتاح المركز الصحى
اما انو الشباب ماعندهم حق الدخول للنت و مركنين القروش للتلفونات الليله المقلقه بجد مشكله لكن ايضا المنتدى اوفر مكان لمناقشة مثل هذه المشاكل وإيجاد الحلول الناجعه لها
بخصوص انارة الشوارع يا خال عماد والخير والسيد مدير المنتدى اظن ممكن عماد السندى بتلفون او زياره لود عمتو الخال العزيز على عبدالغفار ممكن نعرف اسهل طريقه لحل هذه المشكله وكان اشتركات يا خال عماد انا اول الموافقين
كسره
عماد يلا ورينا همتك موضوع انارة الشوارع من الان متروك لك ولشطارتك
ابوعلى

مشكور يا مدير على الرد وتعليماتك اوامر ان شاء الله عما قريب سوف يكون للمنتدى لابتوب فى خدر لنقل الاحداث حيه بس كمان يا سيدى نفذوا وعودكم انت والبقيه فى الخرطوم لان اشتراكات ود الصافى و احمد النور و ابوعلى بطرفى
ابوعلى

يا حبيب تسلم
انا بطرفى 450 جنيه قابله للزياده وحسب تعليماتكم شفت الكرم كيف يا ولدنا؟
انا ناس البترول لميت حقهم لكن نسيبك مضوى حقو عليك يا مدير
هو النسب دا ساااااى ما لازم تتحرك شويه
ابوعلى
بأذن المولى سوف اتوجه غدا الى الحبيبه خدر وناسا
0126182659
مع الف سلامه

الخبر الاكيد قالو ود غفار لى خدر مدلى
قاصد عديل ديوان برنجى محلو
كيسو ملان فواكه وموزات من فوقو يحلو
ضارب للدقيس المعروف فى المغارب فعلو

على الموظفىن و التجار المزىد من التبرعات لانجاح هزه الفكرة وىكون دور الطلاب هو الرعىة و الاداره واتمنى ىكون ال(admin)محمد موسى ىوسف وانتقل الى موضوع اخر هو الحجاب فى اوربا مانسمعه فى وساىل الاعلام فى الااىام الفاىتة عن منع المراء المسلمة التواجد فى الاماكن العامة بلحجاب واتمنى من منتدانا ان نتابع الاحداث اول باول الىكم مقترحى فى زلك (اى واحد من الاعضاء عند سماع الحدث الاسراع الى المنتدى وكتابة الموضوع).... وشكرا,,,,ا